Kwestin Box

◼ Waswe, iumi shud prea long eni ples nomoa wea iumi duim Bible study?

Iumi savve kasem gud samting taem iumi prea for startim and finisim study. Iu prea long Jehovah for givim holy spirit for helpem iutufala long study. (Luke 11:13) Prea bilong iumi savve helpem Bible study for tinghae long study and hem savve lanem hao for prea. (Luke 6:40) So hem gud for prea witim Bible study no longtaem bihaen iu startim study. Bat samfala taem maet iu disaed for no prea for startim or finisim study. Why nao olsem?

Wanfala samting for tingim hem ples wea iutufala study. Sapos iutufala study long ples wea pipol lukluk kam or study hem shame lelebet, hem gud for weit go kasem taem iutufala study long ples wea fitim, then iutufala savve prea. Bat sapos hem fitim, iutufala savve talem short prea for startim and finisim study. Nomata wea nao iutufala study, iumi shud luksavve wanem taem nao hem fitim for iumi prea.—Lukim March 2005 Kingdom Ministry Bilong Iumi, page 4.