“Haomas Hour Nao Mi Savve Reportim?”

Waswe, enitaem iu tingim datwan? Samfala information abaotem diswan hem stap long Organized buk long page 86-87. Samfala taem iumi savve kasem olketa nara information abaotem diswan. Olsem example, iu savve lukim Kwestin Box long September 2008 Kingdom Ministry Bilong Iumi. From evri pablisa duim difren samting long ministry, iumi no garem rul for evri samting hia. So, bae hem no fitim for olketa elder or narawan for mekem samfala rul abaotem haomas hour nao pablisa savve reportim.

Sapos wanfala pablisa garem kwestin bat olketa pablikeson no storyim datwan, hem gud for tingim tufala kwestin hia: Waswe, mi duim ministry long datfala taem? Or waswe, mi duim difren samting wea no join witim ministry? Iumi shud satisfae and no feel guilty abaotem olketa hour wea iumi raetem long report bilong iumi evri month. (Acts 23:1) Main samting wea iumi laek for duim hem for iusim gud taem bilong iumi long ministry and for no tingim nomoa haomas hour for reportim.—Heb. 6:11.