Wanem for Talem

For Startim Bible Study Long First Saturday Long May

“Mifala kam for storyim disfala important kwestin. [Showim firstfala kwestin long page 16 bilong May-June Wastaoa.] Wanem nao tingting bilong iu abaotem datwan?” Weit for hem ansa. Storyim ansa bilong firstfala kwestin and readim wan or tufala scripture. Offerim olketa magasin and markem taem for go bak and storyim ansa bilong next kwestin.

Wastaoa May-June

“Mifala kam for story abaotem prea. Nomata pipol joinim olketa difren religion, klosap evriwan savve prea. Waswe, iu ting God ansarem olketa prea, or iu ting pipol prea for mekem olketa feel gud nomoa? [Weit for hem ansa.] Lukim wanem Bible talem abaotem prea. [Readim 1 John 5:14.] Disfala magasin storyim hao prea savve helpem iumi.”

Awake! April

“Mifala garem wanfala magasin wea savve helpem pipol long samting wea kamap big distaem. Samfala pipol ting for suisaed bikos olketa tingse olketa no wei nao for stretem olketa problem bilong olketa. Bat sapos olketa savve stretem olketa problem bilong olketa, waswe, iu tingse bae olketa laek for dae? [Weit for hem ansa.] Disfala scripture storyim samting wea helpem staka pipol for luksavve long future evri problem bae finis. [Readim Revelation 21:3, 4.] Disfala magasin storyim thrifala reason for mekem man no tingting for suisaed nomata hem garem olketa problem.”