Announcement

◼ Buk for iusim long January and February: Iusim eniwan long olketa brochure hia: Gud Nius From God!, Followim Toktok Bilong God or Followim Toktok Bilong God Mekem Iu Laef Olowe. March and April: Olketa Wastaoa and Awake! magasin.

◼ Title bilong pablik tok wea circuit overseer bae givim long mek-tu part bilong 2015 service year hem “World Distaem Hem Gohed for Change.”

◼ Olketa pablisa wea laek auxiliary pioneer long April and May mas plan distaem and givim application pepa bilong olketa kwiktaem. Diswan bae helpem olketa elder for mekem olketa field service arrangement wea fitim and redyim plande pablikeson. Evri month announcem long kongregeson olketa wea bae duim auxiliary pioneer.

◼ Taem iumi finisim Storyim Gud Kingdom buk long Kongregeson Bible Study, bae iumi iusim “Love Bilong God” buk.

◼ Start long disfala service year, staka regular pioneer, spesol pioneer, missionary, and Bethelite bae enjoyim Pioneer Service Skul wea garem niu textbuk and wea bae gohed for 6-fala day.

◼ Olketa pioneer wea fit and laek for attendim Skul for Olketa Kingdom Pablisa savve askem application pepa from olketa elder long kongregeson.

◼ Olketa niu elder bae attendim wanfala skul for olketa elder long disfala service year, and Kingdom Ministry Skul bae kamap disfala year tu.

◼ Memorial bae kamap long Friday, April 3, 2015. Sapos kongregeson garem meeting long Friday, changem go long nara day insaed long week. Sapos hem hard, chairman bilong olketa elder savve assignim olketa part long Service Meeting wea fitim kongregeson for narafala Service Meeting long datfala month. Olketa kongregeson wea garem circuit visit long week bilong Memorial shud muvim meeting wea olketa garem long Friday for olketa elder and ministerial servant long eni nara day long datfala week.