Eliphaz:
Maet hem from Teman, long Edom. Toktok long Jeremiah 49:7 showimaot Teman hem ples wea olketa savveman from Edom olketa stap
Eliphaz nao first wan for story. Maet hem nao olo winim nara tufala wea tok againstim Job. Hem story long Job thrifala taem and hem story longfala taem winim nara tufala
Laea story wea hem talem:
Hem tok againstim wei wea Job faithful, and sei God no trustim olketa wea worshipim hem (Job 4, 5)
Hem sei Job bighed and duim nogud samting, and Job nating fraet long God (Job 15)
Hem sei Job selfish man and nating tingim nara pipol, and Eliphaz sei God no interest long pipol (Job 22)
Bildad:
Laea story wea hem talem:
Hem sei olketa son bilong Job fit for kasem nogud samting bikos olketa duim sin, and Job tu no faithful long God (Job 8)
Hem sei Job duim sin (Job 18)
Hem sei olketa man weistim taem nomoa for faithful long God (Job 25)
Zophar:
Wanfala Naamathite. Maet hem kam from northwest Arabia
Hem nao last man for story, and hem tu barava tok strong long Job. Hem story tufala taem nomoa
Laea story wea hem talem:
Hem sei Job toktok krangge nomoa, and hem talem Job for stop for duim olketa nogud samting (Job 11)
Hem sei Job wanfala nogud man wea enjoyim wei for duim sin (Job 20)