Schedule for Regular Pioneer

Iumi needim gudfala schedule for duim regular pioneer waka. Sapos iu duim 18 hour evri week long ministry, iu savve pioneer and garem tu taem for holiday! Sapos iu followim schedule olsem iu savve kasem hour bilong regular pioneer, nomata samting iu no expectim maet happen, olsem sik or nogud weather. Chart long daon hem showim samfala idea wea iu savve followim sapos iu waka part-taem, full-taem, or iu garem samfala problem saed long health. Maet famili savve changem samfala samting mekem wanfala insaed famili savve start duim regular pioneer long September. Hem gud for storyim diswan taem iufala duim famili worship.