Kamap Gud Long Ministry​—Helpem Olketa Bible Study for Dedicate and Baptaes

WHY HEM IMPORTANT: Olketa Bible study mas dedicate and baptaes for mekem Jehovah hapi long olketa. (1Pe 3:21) Jehovah savve protectim olketa wea duim samting followim promis bilong olketa for hem. (Ps 91:1, 2) Taem Christian hem dedicate long Jehovah, hem no duim datwan for eni man, waka, or eni organization. So olketa Bible study mas lovem and luksavve olketa mas worshipim God nomoa.—Ro 14:7, 8.

WANEM FOR DUIM:

• Long taem bilong study, storyim wanem datfala information showimaot abaotem Jehovah. Mekhae long wei for readim Bible evriday and for prea “evritaem.”—1Th 5:17; Jas 4:8

• Encouragem Bible study for putim goal for dedicate and baptaes. And tu, helpem hem for kasem olketa smol goal, olsem wei for koment long meeting or for witness long olketa neiba and pipol wea hem waka witim. Tingim, Jehovah no forcem eniwan for worshipim hem. For dedicate long Jehovah, hem samting wea man seleva nao disaed for duim.—De 30:19, 20

• Encouragem Bible study bilong iu for changem samfala wei bilong hem wea Jehovah no hapi long hem mekem hem fit for baptaes. (Pr 27:11) From iumi sin, maet hem no isi for lusim samfala nogud wei bilong iumi. So maet iumi mas gohed for helpem Bible study for lusim oldfala wei bilong hem and for garem niufala wei. (Eph 4:22-24) Storyim long Bible study samfala article insaed Wastaoa magasin wea garem title “Bible Changem Laef Bilong Pipol”

• Storyim long hem hapi wea iu kasem from iu worshipim Jehovah.—Isa 48:17, 18