Taem Iumi Meetim Pikinini Long Haos Tu Haos

Sapos iumi meetim pikinini long haos tu haos, iumi shud talem hem iumi laek for story witim dadi and mami bilong hem. Taem iumi duim olsem, iumi respectim tufala. (Pr 6:20) Sapos hem laekem iumi for go insaed long haos for story, iumi shud no duim datwan. Sapos dadi and mami no stap, iumi shud kam bak long narafala taem.

Nomata datfala pikinini hem wanfala teenager, iumi shud talem hem iumi laek for story witim dadi and mami bilong hem. Sapos tufala no stap, iumi savve askem hem sapos dadi and mami bilong hem bae letem hem for tekem eni buk bilong iumi. Sapos olketa letem hem for duim olsem, iumi savve givim hem eni buk and maet story abaotem jw.org long hem.

Taem iumi duim return visit long wanfala young wan wea interest, iumi shud talem hem iumi laek for meetim dadi and mami bilong hem. Taem iumi meetim tufala, iumi savve talem why iumi kam and iumi savve storyim tu olketa advaes wea stap long Bible wea savve helpem olketa famili. (Ps 119:86, 138) Sapos iumi respectim and tingim feeling bilong olketa dadi and mami, datwan maet givim iumi chance for witness long full famili.—1Pe 2:12.