Waswe, Mi Savve Auxiliary Pioneer?

Vision bilong Ezekiel abaotem temple showimaot hao pipol bilong Jehovah bae willing for givim olketa sakrifaes. Wanem nao each wan long iumi savve duim for givim olketa sakrifaes for praisem God?—Heb 13:15, 16.

Wanfala gud samting for duim hem nao for auxiliary pioneer. Long service year bilong 2018 hem garem samfala month wea garem faevfala Saturday or faevfala Sunday. Diswan savve helpem olketa wea waka for selen and wea go preach long olketa weekend nomoa for auxiliary pioneer. And tu, long month bilong March and April and long taem bilong visit bilong circuit overseer, olketa pablisa savve duim 30 or 50 hour.

Waswe sapos iumi no fit for auxiliary pioneer? Iumi savve trae for mekem ministry bilong iumi kamap gud or duim samfala samting moa long ministry. Nomata wanem nao iumi fit for duim long 2018 service year, iumi laek for showimaot iumi lovem Jehovah long wei for duim best bilong iumi!—Ho 14:2.

LUKIM VIDEO JEHOVAH SAVVE HELPEM MI FOR DUIM ENI SAMTING, AND THEN ANSAREM OLKETA KWESTIN HIA:

• Why nao Sabina laek for duim moa samting long preaching waka?

• Hao nao example bilong Sabina encouragem iu?

• Insaed long 2018 service year, olketa wanem month nao iu savve auxiliary pioneer?