Olketa long kongregeson lisin long disison bilong governing body
GUD SAMTING FROM BIBLE | ACTS 15-16
Governing Body Wan Mind for Disaedem Samting Followim Olketa Scripture
Wanem nao iumi savve lanem from wei wea olketa long first century deal witim kwestin abaotem hu nao mas circumcise?
15:1, 2—Hem gud for hambol and patient. Paul and Barnabas no trae for stretem datfala problem seleva, bat tufala askem organization bilong Jehovah for givim direction.
15:28, 29—Trustim organization bilong God. Olketa long kongregeson sure Jehovah bae iusim holy spirit bilong hem and Jesus Christ for givim direction long hao for stretem datfala problem.
16:4, 5—Obeyim God. Olketa long kongregeson kasem gud samting from olketa followim direction wea kam from governing body.