Spendem Taem Witim Olketa wea Lovem Jehovah

Why nao iumi shud spendem taem witim olketa wea lovem Jehovah? Bikos olketa savve encouragem iumi for duim gud samting or nogud samting. (Provebs 13:20) Olsem example, taem King Jehoash spendem taem witim Hae Priest Jehoiada, “hemi duim olketa samting wea i stret long ae blong [Jehovah].” (Mektu Kronikols 24:2) Bat bihaen Jehoiada dae, Jehoash lusim Jehovah bikos hem associate witim pipol wea wei blo olketa nogud.—Mektu Kronikols 24:17-19.

Lo first century C.E., aposol Paul sei Christian kongregeson olsem “bigfala haos,” and olketa lo kongregeson olsem olketa “pot.” Taem iumi no associate witim olketa wea no duim wanem Jehovah laekem, nomata lo famili or lo kongregeson, iumi “olsem pot for putim olketa gud samting insaed.” (2Ti 2:20, 21) So iumi laek gohed fren gud witim olketa wea lovem Jehovah and encouragem iumi for worshipim hem.

LUKIM VIDEO NO ASSOCIATE WITIM PIPOL WEA WEI BLO OLKETA NOGUD, THEN ANSAREM OLKETA KWESTIN HIA:

• Wanem nao samfala wei iumi maet spendem taem witim pipol wea garem nogud wei?

• Lo video, wanem nao helpem thrifala Christian for stop associate witim pipol wea garem nogud wei?

• Olketa wanem Bible principle nao savve helpem iu for chusim olketa gudfala fren?