Hasband Savve Acceptim Truth Taem Waef Showimaot Gudfala Wei

Staka taem gudfala wei blo Christian waef helpem hasband for acceptim truth. Bat bifor diswan savve happen, waef maet deal witim olketa hard samting for staka year. (1Pe 2:21-23; 3:1, 2) Sapos iu wanfala waef wea kasem hard taem, gohed duim gud samting for winim datwan. (Ro 12:21) Maet hasband no laek herem wanem iu storyim abaotem Jehovah, bat gudfala wei blo iu maet changem tingting blo hem abaotem truth.

Trae for minim tingting blo hasband abaotem samting. (Php 2:3, 4) Tingim feeling blo hem and kaen lo hem, and duim gud waka blo iu. Lisin gud taem hasband hem story. (Jas 1:19) Patient witim hem and showimaot iu lovem hem. Nomata sapos hasband no savve kaen or respectim iu, iu savve hapi bikos Jehovah tinghae lo gudfala samting wea iu duim.—1Pe 2:19, 20.

LUKIM VIDEO JEHOVAH STRONGIM IUMI FOR WORSHIPIM HEM, THEN ANSAREM OLKETA KWESTIN HIA:

• Hao nao laef blo Grace Li taem hem just marit?

• Wanem nao mekem hem interest lo truth?

• Hao nao Sista Li winim olketa hard samting wea hem kasem bihaen hem kam insaed lo truth?

• Wanem nao Sista Li talem lo prea abaotem hasband blo hem?

• Olketa wanem blessing nao Sista Li kasem bikos hem showimaot gudfala wei?