GUD SAMTING FROM BIBLE | 2 JOHN 1-13; 3 JOHN 1-14–JUDE 1-25
Iumi Mas Waka Hard for Stap Insaed lo Truth
Jesus sei: “Iufala mas barava trae hard for go insaed long smolfala door.” (Lu 13:24) Toktok hia showimaot iumi mas waka hard for duim wanem God laekem. Jude, haf brata blo Jesus, talem samting wea semsem tu. Hem sei: “Traem best for keepim biliv bilong iufala hem strong.” Iumi mas trae hard for:
Stap klia lo wei for durong.—Jude 6, 7
Respectim olketa wea lead lo kongregeson.—Jude 8, 9
Gohed strong for biliv lo “holy faith,” wea minim olketa Christian teaching.—Jude 20, 21