Jehovah Savve Wanem Iumi Needim

Wei wea wakaman wea faithful and wise givim iumi spiritual kaikai “long barava taem” showimaot Jehovah, wea hem nao directim datfala wakaman, savve lo wanem iumi needim. (Mt 24:45) Olsem example, wanem iumi herem lo regional convention and meeting wea kamap lo midol week showimaot datwan hem tru.

LUKIM VIDEO 2017 TEACHING KOMITI REPORT, THEN ANSAREM OLKETA KWESTIN HIA:

• 

  Hu nao shud kasem praise for olketa convention wea barava helpem iumi?

• Wanem taem nao olketa start for redyim convention?

• 

  Hao nao olketa disaedem wanem for storyim lo convention?

• Wanem nao olketa nara waka olketa duim for redyim convention?

• Hao nao meeting buk helpem iumi for studyim Bible lo sem wei olsem olketa wea attendim Gilead Skul?

• 

  Wanem nao olketa difren department duim for helpem olketa redyim meeting buk?

Wanem nao tingting blo iu abaotem olketa spiritual kaikai wea iumi kasem from Jehovah?