Wanem Hasband and Waef Savve Duim for Strongim Marit blo Tufala

Abraham and Sarah lovem and respectim each other wea hem gudfala example for olketa hasband and waef. (Jenesis 12:11-13; 1Pe 3:6) Nomata olsem, datwan no minim tufala no kasem hard taem lo marit blo tufala. Wanem nao hasband and waef savve lanem from example blo Abraham and Sarah?

Story gud tugeta. Tok kaen lo marit partner wea talem samting wea no fitim from hem feel nogud. (Jenesis 16:5, 6) Markem taem for story tugeta. Iu laek for talem and duim samting wea showimaot iu lovem marit partner blo iu. Main samting, hem for tufala evriwan fren gud witim Jehovah taem tufala study, prea, and worshipim hem tugeta. (Eklesiastes 4:12) Gudfala marit hem mekhae lo Jehovah, wea Hem nao startim disfala spesol arrangement.

LUKIM VIDEO WANEM IU SAVVE DUIM FOR STRONGIM MARIT, THEN ANSAREM OLKETA KWESTIN HIA:

• Lo disfala video, wanem nao samfala saen wea showimaot Shaan and Kiara start for no interest lo each other?

• Why nao wei for honest and no hol bak for story hem important insaed marit?

• Hao nao example blo Abraham and Sarah helpem Shaan and Kiara?

• Wanem nao samfala samting wea Shaan and Kiara duim for strongim marit blo tufala?

• Why nao hasband and waef shud no tingse bae olketa no kasem hard taem lo marit blo tufala?