Gohed Faithful lo Jehovah Taem End Hem Klosap

WHY HEM IMPORTANT: Olketa samting hem klosap for happen wea bae testim faith and trust blo iumi lo Jehovah. Bigfala trabol bae start taem olketa gavman finisim false religion. (Mt 24:21; Re 17:16, 17) Lo datfala taem, iumi bae preachim judgment message. (Re 16:21) Bae Gog from Magog attakim pipol blo Jehovah. (Esikiel 38:10-12, 14-16) Then kwiktaem Jehovah bae startim “datfala war wea bae kamap long bigfala day bilong Olmaeti God.” (Re 16:14, 16) Iumi mas gohed faithful taem iumi kasem test distaem, mekem iumi strong and no fraet taem olketa samting hia happen.

WANEM FOR DUIM:

• Strong for followim olketa standard blo Jehovah.—Aesaea 5:20

• Evritaem go lo olketa meeting.—Heb 10:24, 25

• Obeyim direction from organization blo Jehovah.—Heb 13:17

• Tingim hao Jehovah sevem pipol blo hem bifor.—2Pe 2:9

• Prea lo Jehovah, and trustim hem.—Sams 112:7, 8

LUKIM VIDEO OLKETA SAMTING WEA BAE HAPPEN LONG FUTURE WEA NEEDIM WEI FOR NO FRAET—PART BLO VIDEO, THEN ANSAREM OLKETA KWESTIN HIA:

• 

  Taem samfala pablisa herem olketa mas muv go lo nara kongregeson, hao nao datwan testim olketa?

• 

  Taem iumi obey, hao nao datwan hem helpem iumi for no fraet?

• 

  Why nao iumi mas no fraet lo taem blo Armageddon?

• 

  Wanem story lo Bible nao savve strongim faith blo iumi lo paoa blo Jehovah for sevem iumi?—Mektu Kronikols 20:1-24