Olketa Pioneer Praisem Jehovah

Olketa Israelite garem olketa gudfala reason for praisem Jehovah. Hem mekem olketa kamap free finis from Egypt and sevem olketa finis from army blo Pharaoh. (Eksodas 15:1, 2) Distaem tu Jehovah duim olketa gudfala samting for pipol blo hem. Wanem nao iumi savve duim for showaot iumi tinghae lo datwan?—Sams 116:12.

Wanfala samting iumi savve duim hem for auxiliary or regular pioneer. Prea lo Jehovah for helpem iu laek pioneer and then for duim datwan. (Php 2:13) Staka savve auxiliary pioneer bifor olketa kamap regular pioneer. Iu savve preach for 30 or 50 hour lo month blo March or April, or lo month wea circuit overseer visitim kongregeson. Taem iu lukim hem naes for auxiliary pioneer, maet datwan mekem iu laek for regular pioneer. Samfala waka full-taem or garem health problem, bat nomata olsem olketa regular pioneer. (mwb16.07 8) Iumi laek for duim best blo iumi for praisem Jehovah!—Fas Kronikols 16:25.

LUKIM VIDEO THRIFALA SISTA LONG MONGOLIA, THEN ANSAREM OLKETA KWESTIN HIA:

• 

  Wanem nao samfala hard samting wea thrifala sista winim mekem olketa regular pioneer?

• 

  Olketa wanem blessing nao thrifala kasem?

• 

  From thrifala hia duim pioneer waka, wanem nao olketa nara privilege olketa kasem?

• 

  Wanem gud samting nao kamaot from wanem thrifala hia duim?