Kamap Gud Lo Ministry​—Preach lo Haosholder wea Story Kam lo Intercom

WHY HEM IMPORTANT: From crime kamap big tumas, staka pipol garem security camera and intercom lo haos blo olketa. Maet iumi fraet for preach lo man wea lukim iumi, bat iumi no savve lukim hem. Olketa idea lo daon savve helpem iumi for no fraet for story witim man lo intercom or security camera.

WANEM FOR DUIM:

• No shame. Staka pipol wea garem intercom or security camera lo haos bae willing for story witim iumi

• Samfala security camera savve start for recordim iumi bifor haosholder story kam lo iumi. So maet haosholder lukim iumi and herem wanem iumi and partner storyim nomata iumi no savve hem stap

• Taem haosholder story kam lo intercom, story lo hem olsem iu story witim hem feis tu feis. Talem sem samting wea iu plan for storyim lo eniwan wea iu meetim. Luk lo camera and smile, and no go klosap tumas. Sapos haosholder no story kam lo intercom, no leavim eni message

• Bihaen iu and haosholder story finis, maet hem gohed lukluk lo iu and lisin lo eni samting wea iu and partner storyim