DUIM GUD MINISTRY BLO IU | HAO FOR IU BARAVA ENJOYIM MINISTRY
Iusim Olketa Research Tul blo Iumi
Jehovah givim olketa tul for iumi savve teach gud, olsem olketa video, tract, magasin, brochure, buk, and main tul blo iumi, Bible. (2Ti 3:16) Hem provaedem tu olketa research tul wea savve helpem iumi for explainim olketa Scripture. Samfala lo olketa tul hia hem Watchtower Library, JW Library® app, Watchtower ONLINE LIBRARY™, and Research Index for Olketa Jehovah’s Witness.
Iu bae barava enjoyim wei for iusim olketa tul hia for kasem staka nambawan information. Trainim olketa student blo iu for iusim olketa tul hia. Then olketa tu bae hapi taem olketa seleva faendem ansa for olketa kwestin blo olketa from Bible.
WATCHIM VIDEO HAPI TAEM IUMI ACCEPTIM HELP BLO JEHOVAH FOR MEK DISAEPOL—OLKETA RESEARCH TUL, AND THEN ANSAREM OLKETA KWESTIN HIA:
Wat nao tingting blo Jade abaotem creation?
Wea nao Neeta faendem information abaotem datfala subject?
Wei for lukaotem and storyim olketa gud samting from Bible savve mekem iumi hapi
Hao nao hem chusim information wea barava fitim Jade?
Wanem gud samting nao Neeta kasem from wei for iusim olketa research tul?