Sharem Gud Nius Abaotem Hao Klosap Nao Disfala World Bae Kamap Gud Moa!

Lo month blo November, iumi bae share for talemaot wanfala gud nius abaotem hao klosap nao disfala world bae kamap gud moa. (Sams 37:10, 11; Re 21:3-5) Adjustim schedule blo iu mekem iu savve barava share lo disfala campaign. Sapos iu disaed for kamap auxiliary pioneer lo datfala month, iu savve chus for kasem 30 or 50-hour.

Prepare for sharem wanfala scripture abaotem niu world witim staka pipol. Taem iu chusim wanfala Bible verse, tingim wanem nao pipol lo territory blo iu interest lo hem. Sapos samwan showimaot hem interest taem iu preach, givim hem wanfala copy blo pablik magasin blo Wastaoa No. 2 2021. Then, traem best for duim return visit kwiktaem and trae for start Bible study lo Enjoyim Laef for Olowe! brochure. Hem wanfala hapi samting for iumi gohed busy for sharem “gudnius” abaotem olketa gud samting wea bae kam!​—Aesaea 52:7.

WATCHIM ORIGINAL SONG VIDEO NIU WORLD WEA BAE KAM, AND THEN ANSAREM OLKETA KWESTIN HIA:

• Wanem nambawan future nao disfala smol gele hem ting raonem?

• Wat nao samfala samting lo niu world wea iu luk forward for hem?

• Hao nao wei for ting raonem hope wea iu garem savve helpem iu for barava share lo campaign lo November?​—Lu 6:45