Man wea Garem “Love . . . Hem Evritaem Garem Hope”

From iumi garem love wea no selfish, iumi evritaem hope dat olketa brata and sista blo iumi bae mekem olketa gud disison. (1Co 13:4, 7) For example, if wanfala brata duim sin and kasem discipline, iumi hope dat hem bae change for followim kaonsel wea hem kasem. Iumi patient witim olketa wea no garem strong faith, and trae for helpem olketa. (Ro 15:1) Sapos samwan lusim Jehovah, iumi gohed hope bae hem kam bak lo future.​—Lu 15:17, 18.

WATCHIM VIDEO EVRITAEM TINGIM HAO FOR SHOWIMAOT LOVE​—EVRITAEM GAREM HOPE, AND THEN ANSAREM OLKETA KWESTIN HIA:

• Wat nao mekem Abner for joinim David?

• Hao nao tingting blo David and Joab hem difren abaotem wat Abner askem?

• Why nao iumi shud evritaem hope olketa brata and sista blo iumi bae mekem gud disison?