Olketa Prea blo Iumi Hem Spesol lo Jehovah

Olketa prea wea Jehovah acceptim hem olsem incense wea olketa bonem evritaem lo temple blo Jehovah wea barava smel naes. (Sams 141:2) Taem iumi talem lo Dadi lo heven iumi lovem and tinghae lo hem, talem hem wat iumi warim and wat iumi laekem, and askem hem for direction, datwan showim iumi ting lo frenship blo iumi witim hem olsem samting wea important. Jehovah ting lo olketa short prea lo taem blo meeting blo iumi olsem important part lo worship blo iumi. Bat, Jehovah barava hapi tu taem hem herem olketa personal prea blo iumi wea kam from heart and iumi story lo hem for longfala taem!​—Provebs 15:8.

WATCHIM VIDEO MI MAN FOR PREA EVRITAEM, AND THEN ANSAREM OLKETA KWESTIN HIA:

• Wat nao olketa privilege wea Brata Johnson kasem?

• Hao nao Brata Johnson depend lo Jehovah thru lo prea?

• Wat nao iu lanem from experience blo Brata Johnson?