JANUARY 15-21
JOB 36-37
Song 147 and Prea | Introduction (1 min.)
1. Why Iumi Savve Trustim Promis blo God for Laef Olowe
(10 min.)
Jehovah hem laef for olowe (Job 36:26; w15 11/1 11 ¶1-2)
Jehovah garem wisdom and paoa for mekem laef hem gohed (Job 36:27, 28; w20.05 22 ¶6)
Jehovah teachim iumi hao for kasem laef olowe (Job 36:4, 22; Joh 17:3)
Wei for garem strong faith lo olketa promis blo God hem helpem iumi for deal witim laef. —Heb 6:19; w22.10 28 ¶16.
2. Faendem Gudfala Point
(10 min.)
Job 37:20—Hao nao pipol lo taem blo Bible savve pasim nius and communicate? (it-1-E 492)
Wat nao eni gudfala point wea iu laek for sharem from Bible reading dis week?
3. Bible Reading
(4 min.) Job 36:1-21 (th study 2)
4. Hao for Startim Story
(3 min.) PABLIK WITNESSING. (lmd leson 3 point 3)
5. Hao for Continue Witim Story
(4 min.) HAOS TU HAOS. (lmd leson 2 point 5)
6. Explainim Wat Iu Bilivim
(5 min.) Tok. ijwfq 57 ¶5-15—Theme: Why Nao Olketa Jehovah’s Witness Kasem Persecution lo Taem blo Nazi Holocaust? (th study 18)
Song 49
7. Prepare for Olketa Situation wea Needim Medical Kea or Operation
(15 min.) Story tugeta witim kongregeson. Wanfala elder nao givim disfala tok.
Organization blo Jehovah provaedem olketa tul wea helpem iumi for obeyim olketa law blo God saed lo blood. (Ac 15:28, 29) Waswe, iu iusim gud olketa tul hia?
Durable Power of Attorney (DPA) Card and Identity Card (ic): Olketa card hia explainim disison blo patient abaotem wei for iusim blood saed lo medical. Olketa pablisa wea baptaes finis savve kasem wanfala DPA card from literature servant for olketa seleva and savve kasem tu wanfala Identity Card for pikinini blo olketa wea no baptaes, wea no kasem yet 18 years old. Evriwan shud tekem card witim olketa evritaem. If iu need for fulimap wanfala niu card or updatem card blo iu, no delay for duim datwan.
Information for Olketa Mami wea Babule (S-401) and Information for Patients Requiring Surgery or Chemotherapy (S-407): Tufala document hia helpem iumi for prepare for kasem medical kea wea insaed hem storyim tu olketa issue saed lo blood. If iu pregnant or need for operate or kasem cancer treatment, askem olketa elder lo kongregeson blo iu for wanfala copy blo olketa document hia.
Hospital Liaison Komiti (HLK): Olketa HLK member hem olketa elder wea qualify wea redi for provaedem information for olketa doctor and pablisa abaotem olketa situation wea join witim blood. Olketa savve discuss witim olketa doctor blo iu abaotem samfala medical treatment wea no iusim blood transfusion. Sapos need kamap, olketa bae faendem wanfala doctor wea willing for helpem iu. Olketa brata lo HLK available for helpem olketa brata, 24 hour, evriday for full week. Contactim HLK stretawe lo eni situation wea iu mas admit lo hospital, operate, or kasem therapy, olsem cancer treatment, nomata sapos situation hem no join witim wei for tekem blood. Iu savve duim diswan tu sapos iu pregnant. If iu needim help, askem eni elder for contact information blo olketa lo HLK.
Pleim VIDEO Hospital Liaison Komiti—Hao Nao Hem Helpem Iumi? Then askem audience:
Hao nao HLK savve helpem iu if iu deal witim situation wea iu needim medical kea or operation?
8. Kongregeson Bible Study
(30 min.) bt chap. 4 ¶9-12, box lo p. 34