APRIL 29–MAY 5
PSALM 34-35
Song 10 and Prea | Introduction (1 min.)
1. “Praisem Jehovah Evritaem”
(10 min.)
David praisem Jehovah nomata hem kasem olketa hard taem (Ps 34:1; w07 3/1 22 ¶11)
David gohed for praisem Jehovah, and no hemseleva (Ps 34:2-4; w07 3/1 22 ¶13)
Olketa toktok wea David talem for givim praise, hem strongim olketa fren blo hem (Ps 34:5; w07 3/1 23 ¶15)
Bihaen David lusim Abimelech, 400 man wea no hapi lo Saul joinim David lo wilderness. (1Sa 22:1, 2) David tingim olketa samting hia taem hem raetem olketa toktok wea stap lo datfala psalm.—Ps 34, smol toktok lo start.
ASKEM IUSELEVA, ‘Lo next kongregeson meeting, hao nao mi savve praisem Jehovah taem mi story witim olketa narawan?’
2. Faendem Gudfala Point
(10 min.)
Ps 35:19, ftn.—Wat nao David minim taem hem sei for Jehovah no letem olketa wea heitim hem for sat eye lo hem? (w06 6/1 6 ¶2)
Wat nao eni gudfala point wea iu laek for sharem from Bible reading dis week?
3. Bible Reading
(4 min.) Ps 34:1-22 (th study 5)
4. Hao for Startim Story
(2 min.) ENITAEM WITNESSING. Startim story witim samwan bat iu no garem chance for givim witness (lmd leson 1 point 4)
5. Hao for Continue lo Story
(4 min.) ENITAEM WITNESSING. (lmd leson 2 point 4)
6. Explainim Wat Iu Bilivim
(5 min.) Demonstration. ijwfq 59—Theme: Hao Nao Olketa Jehovah’s Witness Bae Disaed Sapos Wanfala Holiday Hem Fitim for Join Insaed? (th study 17)
Song 59
7. Thrifala Wei for Praisem Jehovah lo Olketa Meeting
(15 min.) Story tugeta witim kongregeson.
Olketa kongregeson meeting hem nambawan chance for praisem Jehovah. Diswan hem thrifala wei for duim datwan.
Wei for story: Taem iumi story witim olketa narawan, datwan hem taem for story abaotem olketa gudfala wei blo Jehovah. (Ps 145:1, 7) Waswe, iu herem or readim wanfala point wea savve helpem iu? Waswe, iu garem eni naes experience lo field ministry? Waswe, samwan talem or duim samting wea encouragem iu? Waswe, iu lukim eni samting lo creation wea iu tinghae lo hem? Evri samting hia hem present from Jehovah. (Jas 1:17) Hem gud for arrive lelebet taem bifor meeting start mekem iu garem chance for story lo olketa narawan.
Koment: Traem best for at least iu givim wanfala koment lo each meeting. (Ps 26:12) Iu savve givim direct ansa for datfala kwestin, or koment lo wanfala secondary point or wanfala scripture, or koment lo piksa, or hao wanfala information helpem iu. From staka narawan tu maet apim hand for ansa, hem gud for redyim tu-thri koment. Sapos ansa blo iumi hem no winim 30 second, datwan givim chance for staka narawan “praisem God.”—Heb 13:15.
Song: Singim olketa kingdom song. (Ps 147:1) Nomata iu maet no garem chance for koment lo evri meeting, especially if iu stap lo big kongregeson, iu savve joinim evriwan for singim olketa song. Nomata sapos iu no savve gud hao for singsing, taem iu duim best blo iu, datwan mekem Jehovah for hapi! (2Co 8:12) Iu savve prepare lo wei for practicem song firstaem lo haos blo iu.
Pleim VIDEO Organization Gohed for Change —Singsing lo Meeting, Part 1. Then askem audience:
Taem organization lo earth start lo taem blo iumi, hao nao iumi showimaot dat wei for singsing for praisem Jehovah hem important?
8. Kongregeson Bible Study
(30 min.) bt chap. 9 ¶1-7, introduction for sekson 3 and box lo p. 70