SEPTEMBER 2-8
PSALMS 79-81
Song 29 and Prea | Introduction (1 min.)
1. Showimaot Love for Nambawan Nem blo Jehovah
(10 min.)
Stap klia from wei for duim samting wea no showimaot respect lo Jehovah (Ps 79:9; w17.02 9 ¶5)
Kol lo nem blo Jehovah (Ps 80:18; ijwbv 3 ¶4-5)
Jehovah bae rewardim olketa wea showimaot love for nem blo hem taem olketa obeyim hem (Ps 81:13, 16)
For olketa wei blo iumi showim iumi mekhae lo nem blo Jehovah, iumi mas letem olketa narawan savve dat iumi olketa Witness blo hem
2. Faendem Gudfala Point
(10 min.)
Ps 80:1—Why nao samfala taem olketa iusim nem blo Joseph taem olketa storyim evri tribe lo Israel? (it-2-E 111)
Wat nao eni gudfala point wea iu laek for sharem from Bible reading dis week?
3. Bible Reading
(4 min.) Ps 79:1–80:7 (th study 10)
4. Hao for Startim Story
(1 min.) HAOS TU HAOS. Offerim wanfala Bible study. (lmd leson 4 point 4)
5. Hao for Startim Story
(3 min.) ENITAEM WITNESSING. Offerim wanfala Bible study. (lmd leson 4 point 3)
6. Hao for Startim Story
(2 min.) PABLIK WITNESSING. Offerim wanfala Bible study. (lmd leson 3 point 3)
7. Hao for Continue lo Story
(5 min.) HAOS TU HAOS. Offerim wanfala Bible study lo samwan wea interest, wea lo bifor hem no laekem. (lmd leson 8 point 3)
Song 10
8. “Olketa Bae Mekhae lo Nem blo Mi.”
(15 min.) Story tugeta witim kongregeson.
Satan start for laea for spoelem nem blo Jehovah lo garden blo Eden. From datfala taem, wei for mekhae lo nem blo Jehovah hem wanfala main important issue wea evriwan lo universe feisim.
Tingim samfala lo olketa nogud laea wea Satan talem abaotem Jehovah. Hem accusim Jehovah and sei hem wanfala ruler wea raf and no garem love. (Ge 3:1-6; Job 4:18, 19) Hem sei olketa wea worshipim Jehovah no really lovem Jehovah nomoa. (Job 2:4, 5) Hem kosim staka million pipol for bilivim hao Jehovah hem no Creator blo disfala beautiful natural world wea iumi stap.—Ro 1:20, 21.
Hao nao feeling blo iu abaotem olketa laea hia? Luk olsem, olketa samting hia mekem iu laek for duim samting for defendim Jehovah! Hem savve dat pipol blo hem bae laek for mekhae lo nem blo hem. (Comparem Isaiah 29:23.) Hao nao iu savve help?
Helpem olketa narawan for savve lo Jehovah and lovem hem. (Joh 17:25, 26) Mas redi for storyim olketa pruv wea showimaot Jehovah hem really stap and for teachim olketa narawan for savve abaotem olketa nambawan wei blo hem.—Isa 63:7
Lovem Jehovah witim full heart blo iu. (Mt 22:37, 38) Obeyim olketa komand blo Jehovah, no just bikos iu kasem gud samting from datwan, bat bikos iu laek for mekem Jehovah hapi.—Pr 27:11
Pleim VIDEO Love No Savve Finis Nomata . . . Staka lo Skul No Tinghae lo Bible Principle . Then askem audience:
Hao nao Ariel and Diego defendim nem blo Jehovah?
Wat nao muvim olketa for laek defendim nem blo Jehovah?
Hao nao iu savve followim example blo olketa?
9. Kongregeson Bible Study
(30 min.) bt chap. 15 ¶1-7 and introduction for sekson 6