APRIL 28–MAY 4
PROVERBS 11
Song 90 and Prea | Introduction (1 min.)
1. No Talem Datwan!
(10 min.)
No talem samting wea savve spoelem “narawan” (Pr 11:9; w02 5/15 26 ¶4)
No talem samting wea savve mekem wei for divaed kamap (Pr 11:11; w02 5/15 27 ¶2-3)
No storyim samting wea confidential (Pr 11:12, 13; w02 5/15 27 ¶5)
TING RAONEM DISWAN: Hao nao toktok blo Jesus lo Luke 6:45 helpem iumi for stap klia from wei for talem nogud toktok lo narawan?
2. Faendem Gudfala Point
(10 min.)
Pr 11:17—How nao wei for kaen savve helpem iumi? (g20.1 11, box)
Wat nao eni gudfala point wea iu laek for sharem from Bible reading dis week?
3. Bible Reading
(4 min.) Pr 11:1-20 (th study 5)
4. Hao for Startim Story
(4 min.) ENITAEM WITNESSING. Lukaotem chance for storyim lo datfala person samting wea iu lanem from meeting wea just finis. (lmd leson 2 point 4)
5. Hao for Continue lo Story
(4 min.) ENITAEM WITNESSING. Showim wanfala video from Teaching Toolbox. (lmd leson 8 point 3)
6. Hao for Mek Disaepol
(4 min.) PABLIK WITNESSING. Offerim and showim hao for duim wanfala Bible study. (lmd leson 10 point 3)
Song 157
7. No Letem Toktok blo Iu for Spoelem Peace
(15 min.) Story tugeta witim kongregeson.
From iumi no perfect, iumi savve talem olketa toktok wea no stret. (Jas 3:8) Nomata olsem, if iumi ting raonem olketa nogud samting wea savve kamaot from nogud toktok wea iumi talem, datwan bae helpem iumi for no talem olketa samting wea bae mekem iumi regret bihaen. Diswan hem samfala difren kaen wei wea toktok blo iumi savve spoelem peace insaed kongregeson:
Wei for tok praod. Diswan hem wei wea man praisem hemseleva, wea datwan savve mekem wei for compete and jealous for kamap.—Pr 27:2
Wei for no talem tru samting. Diswan hem no just wei for laea nomoa bat hem minim tu for samwan min for talem toktok for trikim narawan. Nomata smol laea wea man talem savve mekem pipol no trustim hem and datwan bae spoelem reputation blo hem.—Ec 10:1
Nogud gossip. Diswan hem wei for storyim samting wea no tru abaotem pipol and laef blo olketa or for man storyim samting wea hem shud no storyim. (1Ti 5:13) Hem savve kosim wei for raoa and wei for divaed.
Wei for Tok kros. Diswan hem wei for no kontrolem toktok for showim iumi kros lo samwan wea mekem iumi feel nogud. (Eph 4:26) Datwan savve spoelem man.—Pr 29:22
Pleim VIDEO “Lusim” Eni Samting wea Savve Spoelem Peace—Excerpt. Then askem audience:
Wat nao iumi lanem abaotem hao wanem iumi talem savve isi for spoelem peace insaed kongregeson?
For lukim hao nao olketa garem peace moa, watchim video “Traem Best for Garem Peace Witim Narawan.”
8. Kongregeson Bible Study
(30 min.) bt chap. 25 ¶14-21