JUNE 9-15
PROVERBS 17
Song 157 and Prea | Introduction (1 min.)
Wanfala Israelite couple enjoyim simpol kaikai lo haos wea peace hem stap
1. Enjoyim Peace Insaed Marit blo Iu
(10 min.)
For gohed garem peace, iu need for waka hard, bat gud samting nao bae kamaot from datwan (Pr 17:1; lukim piksa)
Avoidim wei for kros lo olketa smol samting nomoa (Pr 17:9; g-E 9/14 11 ¶2)
Mas evritaem kontrolem feeling blo iu for kros (Pr 17:14; w08 4/1 18 ¶6–19 ¶1)
2. Faendem Gudfala Point
(10 min.)
Pr 17:24—Lo wanem wei nao “eye blo stupid man hem luk farawe go kasem end blo earth”? (it-1-E 790 ¶2)
Wat nao eni gudfala point wea iu laek for sharem from Bible reading dis week?
3. Bible Reading
(4 min.) Pr 17:1-17 (th study 10)
4. Hao for Startim Story
(3 min.) ENITAEM WITNESSING. (lmd leson 3 point 5)
5. Hao for Startim Story
(4 min.) PABLIK WITNESSING. Offerim wanfala Bible study. (lmd leson 6 point 4)
6. Tok
(5 min.) ijwbv article 60—Theme: Wat nao mining blo Proverbs 17:17? (th study 13)
Song 113
7. Traem Best For Garem Gudfala Wei For Communicate
(15 min.) Story tugeta witim kongregeson.
Gudfala wei for communicate hem key for garem hapi famili. Taem evri famili member feel free for communicate, olketa bae fit for duim samting olsem wanfala team and sapotim each other lo eni hard taem. (Pr 15:22) Wat nao iu savve duim for mekem evriwan lo famili blo iu feel free for communicate tugeta?
Spendem taem tugeta. (De 6:6, 7) Taem famili waka tugeta for duim olketa spiritual activity, and garem olketa hapitaem olsem famili, olketa duim samting wea strongim wei wea famili lovem and trustim each other. And tu, olketa seleva givim chance for evriwan hapi and spendem taem tugeta. Samfala taem, maet iu need for sakrifaesim wat iu laek for duim, and followim wat olketa narawan lo famili laekem, bat iu bae kasem gud samting from datwan distaem and lo future tu! (Php 2:3, 4) Hao nao iufala savve iusim gud taem wea iufala garem tugeta?—Eph 5:15, 16.
Pleim VIDEO Followim Road Map wea Gaedem Famili for Garem Peace—Impruv lo Wei for Story Tugeta. Then askem audience:
Hao nao wei for iusim rong lo olketa electronic device savve affectim communication insaed famili?
Wat moa samfala samting wea iu lanem lo disfala video abaotem gudfala wei for communicate?
Willing for lisin gud. (Jas 1:19) Olketa pikinini savve feel free for storyim tingting blo olketa, sapos olketa no feel olsem iu bae judgem or no minim olketa. So traem best for no kwiktaem kros if pikinini blo iu talem samting wea mekem iu wari. (Pr 17:27) Instead, lisin gud and tingim olketa. Trae for minim tingting and feeling blo hem mekem iu savve encouragem and helpem hem lo wei wea showimaot love.
8. Kongregeson Bible Study
(30 min.) bt chap. 27 ¶19-22, box lo p. 212