Hao Nao Iu Ting Long Future?

BIBLE HEM SEI

“God . . . bae draem evri tias long eye bilong olketa. No eniwan bae dae and no enitaem bae pipol sorre or krae or feelim pain tu. Olketa samting wea happen bifor hem nomoa nao.”​—Revelation 21:3, 4, Niu World Bible, Matthew–‏Revelation.

GUD SAMTING WEA IU SAVVE KASEM FROM DISWAN

Waka wea mekem iu hapi and satisfae.​—Isaiah 65:21-23.

Bae iu no sik or safa moa.​—Isaiah 25:8; 33:24.

Laef olowe witim famili and olketa fren bilong iu.​—Psalm 37:11, 29.

WASWE, IUMI SAVVE TRUSTIM WANEM BIBLE TALEM?

Yes. Tingim tufala reason:

• God garem paoa for mekem datfala promis kamap tru. Bible kolem Jehovah God nomoa “Olmaeti God,” bikos hem garem bigfala paoa. (Revelation 15:3) So hem barava fit for keepim promis bilong hem for mekem disfala world kamap gud. Bible hem sei: “God savve duim eni samting.”​—Matthew 19:26.

• God laekem tumas for mekem datfala promis kamap tru. Olsem example, Jehovah barava laekem tumas for mekem pipol wea dae finis for laef bak.​—Job 14:14, 15.

  Bible storyim olketa taem wea Son bilong God, Jesus, healim pipol wea sik tu. Why nao hem duim olsem? Bikos hem barava laek for duim datwan. (Mark 1:40, 41) Olsem Dadi bilong hem, Jesus laekem tumas for helpem pipol.​—John 14:9.

  So iumi sure Jehovah and Jesus laek helpem iumi for garem hapi future!—Psalm 72:12-14; 145:16; 2 Peter 3:9.