STUDY 17

Isi for Audience Minim

1 Corinth 14:9

WANEM FOR DUIM: Helpem olketa wea lisin long iu for minim gud message wea iu talem.

Studyim gud information wea iu bae storyim. Minim gud subject wea iu bae storyim mekem iu savve explainim long simpol wei and long toktok bilong iuseleva.
Taem iu story, iusim olketa shortfala sentence and simpol toktok. Hem no rong for iusim longfala sentence, bat taem iu storyim olketa main point, iusim simpol toktok and olketa shortfala sentence.

No storyim extra information wea maet mekem audience konfius and lus interest. Iusim toktok wea klia and isi for minim.
Explainim olketa toktok or word wea audience maet no minim. Trae for no iusim olketa toktok or word wea audience bae no minim. Bat sapos iu need for storyim samfala samting wea pipol maet no minim, olsem olketa word, samwan wea Bible storyim, olketa measurement long Bible, or olketa kastom bilong pipol long bifor, mek sure iu explainim gud.