Waswe, Iu Remember?

Waswe, iu hapi for readim olketa Wastaoa long olketa month wea go pas? Sapos olsem, trae for ansarem olketa kwestin long daon:

• Wanem nao fasin for tingim feeling, and why nao olketa Christian shud mekem diswan grow?

Hem wei for feelim and minim samting wea kasem nara man, olsem for feelim pain bilong narawan insaed heart bilong iumi. Olketa Christian kasem kaonsel for showim ‘feeling for narawan, love olsem brata, and fasin for kea.’ (1 Peter 3:8) Jehovah hem showimaot example for iumi long wei for tingim feeling. (Psalm 103:14; Zechariah 2:8) Iumi savve mekem grow diswan taem iumi lisin gud, lukluk gud, and tingim iumiseleva olsem datfala man.—4/15, page 24-6.

• For kasem trufala hapi, why nao spiritual healing mas kam firstaem long healing bilong wei for disable long body?

Staka pipol wea healthy long body olketa no hapi, olketa garem staka problem. Long narasaed, planti Christian wea disable long body olketa hapi tumas for servem Jehovah. Olketa wea kasem gudfala samting from spiritual healing bae garem chance for kasem taem wea wei for disable long body bae finis evribit insaed niu world.—5/1, page 6-7.

• Why nao Hebrews 12:16 sei Esau hem olsem man wea duim fornication?

Story long Bible showimaot hao Esau hem tingim nomoa wei for kasem samting kwiktaem and no tinghae long olketa holy samting. Sapos samwan letem datkaen tingting for grow, diswan savve lead go long bigfala sin, olsem fornication.—5/1, page 10-11.

• Hu nao Tertullian, and pipol savve gud long hem from wanem?

Hem man for raet and savveman bilong religion wea stap long mek-tu and mek-thri century C.E. Planti pipol savve long hem olsem man wea raetem samfala buk for defendim sekson wea olketa kolem Christian. Taem hem raetem diswan, hem startim olketa idea and teaching wea bihaen olketa iusim for olsem faondeson long olketa rong teaching, olsem Trinity.—5/15, page 29-31.

• Why nao olketa gene no kosim evribit wei for sik, fasin bilong man, and dae?

Olketa scientist sei olketa gene nao kosim samfala sik wea kasem man, and samfala tingse olketa gene tu affectim fasin bilong iumi. Nomata olsem, Bible showimaot hao man hem start, insaed diswan hem hao sin and wei for no perfect hem spoelem olketa man. Nomata olketa gene duim waka for sheipim fasin bilong iumi, wei wea iumi no perfect and ples wea iumi stap tu affectim iumi long bigfala wei.—6/1, page 9-11.

• Hao nao wanfala pis papyrus wea olketa faendem long Oxyrhynchus, Egypt, hem showimaot klia nem bilong God?

Disfala haf bilong Job 42:11, 12 from Greek Septuagint hem garem Tetragrammaton insaed (fofala Hebrew leta bilong nem bilong God). Diswan hem moa pruv hao nem bilong God long Hebrew languis kamap long Septuagint, wea olketa wea raetem Christian Greek Scripture talem toktok from hem planti taem.—6/1, page 30.

• Raf and nogud faet wea kamap long Rul Bilong Rome bifor hem olsem wanem kaen sports distaem?

Wanfala show long Colosseum long Rome, Italy, no longtaem go nomoa, showim olketa video bilong man wea faet witim buluka, boxing, olketa trak and motobike resis, and narakaen faet midolwan long olketa wea lukluk long olketa difren sports distaem, evriwan hia olsem olketa faet bilong bifor. Olketa firstfala Christian barava ting strong long wei wea Jehovah no lovem raf fasin or raf pipol, and olketa Christian distaem mas olsem tu. (Psalm 11:5)—6/15, page 29.

• Taem iumi kamap gudfala teacher, wanem nao iumi lanem from example bilong Ezra?

Ezra 7:10 mekhae long fofala samting wea Ezra hem duim, olketa samting wea iumi savve trae hard for followim. Hem sei: “Ezra nao [1] redyim heart bilong hem [2] for lukluk long law bilong Jehovah and [3] for duim and [4] for teachim rul and justice long Israel.”—7/1, page 20.

• Long wanem tufala taem nao hem fitim for wanfala Christian woman for werem hed kava?

Wanfala taem nao long haos. Wei wea hem werem hed kava showimaot hem luksavve long wei wea hasband bilong hem nao garem responsibility for lead long prea and Bible study. Narawan hem long waka bilong kongregeson, wea hem showaot hem luksavve hao olketa man wea baptaes nao Bible givim paoa long olketa for teach and lead. (1 Corinthians 11:3-10)—7/15, page 26-7.

• Why nao olketa Christian luksavve yoga hem minim moa samting winim exercise nomoa and hem danger samting?

Goal bilong yoga for training hem for leadim man for join witim wanfala spirit. Long wei wea difren from samting wea God talem, wanfala teaching bilong yoga hem for stopem mind for tingting seleva. (Romans 12:1, 2) Yoga savve mekem man stap long danger bilong spiritism and biliv long olketa demon. (Deuteronomy 18:10, 11)—8/1, page 20-2.