Niu Spesol Assembly Day Program

Holy spirit hem barava strongim olketa Christian bifor for talemaot gud nius long evri ples wea olketa fit for kasem. (Acts 1:8; Col. 1:​23) Theme bilong spesol assembly day program for service year bilong 2007 hem nao, “Barava Busy for Preachim Word Bilong God,” and disfala program bae helpem iumi followim nambawan example bilong olketa Christian hia.​—Acts 18:5.

King David hem sei olsem abaotem olketa toktok bilong God: “Man fit for trustim reminder bilong Jehovah, from hem mekem man wea no garem savve hem kamap wise.” (Ps. 19:7) Disfala program wea olketa barava redyim gud for 2007 spesol assembly day hem mekhae long wei wea Bible savve barava help for “stretem evri samting.” Disfala program bae encouragem iumi tu for iusim Bible for preach and teach long wei wea showimaot end hem klosap tumas. (2 Tim. 3:​16, 17) Niu program hia bae showim iumi hao for stap klia long olketa samting wea savve spoelem iumi and hao for kasem gud samting from wei for followim olketa Bible principle evriday. And tu, bae hem helpem iumi for iusim Bible for helpem olketa young wan and olketa niu wan mekem olketa savve muv ahed long spiritual wei.

Hem important for stap taem program hem start and for lisin gud long program. Raetem olketa point wea iu need for followim. Lisin and tinghae long evri information and olketa reminder, and ting raonem hao for iusim samting wea iu lanem.

Disfala spesol assembly day program bae strongim wei wea iumi tinghae long Bible, bae remindim iumi for gohed strong for preach abaotem gud nius bilong Kingdom, and showim iumi hao for helpem olketa narawan duim sem samting. So disaed strong for no missim eni spiritual help wea Jehovah provaedem thru long spesol assembly day for leadim iumi and teachim iumi!​—Isa. 30:20b, 21.