Wanem for Talem Abaotem Olketa Magasin

Wastaoa January-March

“Waswe, iu lukim tu hao pipol garem olketa difren idea long hao for stap klin? [Weit for hem ansa.] Long hia hem storyim wanfala reason why wei for stap klin hem important. [Readim 1 Peter 1:16.] Disfala magasin storyim samfala idea for helpem iumi gohed stap klin.” Showim long page 17.

Awake! December

“Long disfala taem evri year, staka pipol trae for mekhae long Jesus. Long tingting bilong iu, wanem nao nambawan wei for respectim Jesus wea disfala verse storyim? [Readim John 14:15. Weit for hem ansa.] Iumi no savve long barava day wea Jesus hem born, bat maet iu sapraes for savve why olketa markem Christmas for kamap long December 25.” Showim page 10.

Wastaoa January-March

“Waswe, iu tingse hasband and waef wea followim disfala toktok long Bible bae helpem marit bilong tufala gohed gud? [Readim Job 31:1. Weit for hem ansa.] Disfala magasin storyim samfala samting wea Bible talem wea savve helpem hasband and waef for gohed strongim marit bilong tufala.” Showim story wea start long page 22.

Awake! January

“Staka lake and river distaem start for emti, and staka million pipol no garem klinfala wata for drinkim. Waswe, iu tingse man fit for faendem eni wei for stretem disfala problem? [Weit for hem ansa. Readim Jeremiah 10:23.] Disfala magasin storyim nambawan wei wea Bible storyim for stretem disfala problem.”