Wanem for Talem Abaotem Olketa Magasin

The Watchtower December 1

“Evri year, long taem olsem, pipol mekhae long story abaotem thrifala wise man wea tekem olketa naesfala present for baby Jesus wea stap long ples for putim kaikai bilong animal. Waswe, hem nao wanem Bible talem? [Readim Matthew 2:​1, 11.] Waswe, iu lukim eni samting difren from wanem iumi readim long Bible and disfala story? [Weit for hem ansa.] Disfala article storyim tru samting wea happen.” Showim article long page 31.

Awake! December

“Wanem nao tingting bilong iu abaotem samting wea Jesus talem long hia. [Readim Matthew 5:3.] From staka religion stap, iu tingse eniwan long olketa nomoa savve mekem iu satisfae? [Weit for hem ansa.] Disfala article showim wanem Bible talem wea savve helpem iumi for satisfae long spiritual wei.” Storyim article wea start long page 12.

Wastaoa January-March

“Waswe, iu tingse evri samting wea olketa teachim long olketa church hem kam from Bible? [Weit for hem ansa.] Bible hem warnim iumi for keakea for no bilivim olketa false teaching. [Readim Colossians 2:8.] Disfala magasin showimaot klia sixfala teaching wea difren from wanem Bible teachim.”

Awake! January

“Distaem wea laef hem hard, staka pipol waka hard and wari tumas. Waswe, diswan kasem iu tu? [Weit for hem ansa.] Lukim wanem Bible hem talem. [Readim Ecclesiastes 4:6.] Disfala magasin storyim wanem iumi savve duim mekem iumi no ova tumas long waka, for garem inaf taem witim famili, and taem for rest. Hem garem tu samfala idea for helpem iumi ting raonem wanem iumi savve duim for garem waka.”