Wanem for Talem Abaotem Olketa Magasin

Wastaoa October-December

“Staka church distaem no storyim tumas sin olsem olketa year wea go pas. Waswe, iu tingse sin hem no samting wea iumi shud storyim long taem bilong iumi, or hem samting wea iumi need for warim? [Weit for hem ansa. Then readim Romans 5: 12.] Disfala magasin storyim wanem Bible talem abaotem sin.”

Awake! October

“Samfala pipol tingse God hem wanfala paoa nomoa and hem no tingim iumi. Olketa narawan tingse God hem garem feeling. Wanem nao tingting bilong iu? [Weit for hem ansa.] Lukim disfala interesting toktok. [Readim 1 Peter 5:​6, 7.] Article wea start long page 29 hem talem ansa from Bible abaotem disfala kwestin, Waswe, God hem really stap?”

The Watchtower November 1

“Iumi evriwan laek for satisfae. Waswe, iu tingse iumi mas garem selen nao for iumi satisfae? [Weit for hem ansa.] Wanfala man wea raetem Bible hem lane for satisfae taem hem garem lelebet samting. [Readim Philippians 4:​11, 12.] Disfala magasin storyim faevfala secret long Bible abaotem wei for satisfae.”

Awake! November

“Samfala pipol wea no biliv long God talemaot olketa nogud samting wea samfala duim long nem bilong God and olketa tingse world bae kamap gud sapos no eni religion stap. Wanem nao tingting bilong iu? [Weit for hem ansa.] Bible hem storyim wanfala reason why false religion kosim wei for pipol safa. [Readim 2 Timothy 4:​3, 4.] Disfala magasin storyim samfala mistek abaotem samting wea samfala pipol wea no biliv long God talem.”