Iusim Disfala Tract Evritaem
1. Disfala tract Savve Long Tru Samting hem for wanem?
1 Olketa wakem disfala tract Waswe, Iu Laek for Savve Long Tru Samting? for helpem iumi startim olketa Bible study. Bat hem gudfala tul tu wea iumi savve iusim for plantim seed bilong truth. (Eccl. 11:6) Diswan hem samfala idea for helpem iumi iusim gud disfala tract.
2. Hao nao iumi savve iusim disfala tract for startim story?
2 For Startim Story: Maet iu givim tract long haosholder, showim sixfala kwestin long front kava, and askem hem: “Which wan long olketa kwestin hia nao iu ting raonem?” Bihaen hem talem tingting bilong hem, story long haosholder from datfala tract ansa from Bible long eni kwestin wea haosholder askem and readim wanfala scripture wea stap. Readim or story raonem last page and offerim Wanem Bible Teachim buk. Nomata sapos hem no acceptim datfala buk, hem kasem nao datfala tract, wea bae helpem hem for mekem truth go deep long heart bilong hem.—Matt. 13:23.
3. Sapos haosholder hem busy, wanem nao iumi savve duim?
3 Sapos Haosholder Hem Busy: Maet iu sei: “From iu busy distaem, mi laek givim iu disfala tract. Hem garem sixfala important kwestin wea staka long iumi savve askem, wea ansa hem insaed Bible. Next taem mi lukim iu, mi laek savve long tingting bilong iu.”
4. Wanem nao iumi savve talem taem iumi offerim tract long street witnessing?
4 Taem Iu Duim Street Witnessing: Iu savve sei: “Hello. Waswe, enitaem iu askem wanfala long olketa kwestin hia? [Weit for hem ansa.] Diswan showimaot stretfala ansa from Bible.” Sapos datfala man no hariap tumas, maet iu storyim wanfala long olketa ansa from disfala tract and, offerim Wanem Bible Teachim buk.
5. Hao nao iumi savve iusim tract long haos wea no eniwan stap?
5 Haos wea No Eniwan Stap: Long samfala territory, samfala pablisa savve leavim literature long haos wea no eniwan stap. Sapos kongregeson savve duim olsem, bae hem gud for leavim disfala tract Savve Long Tru Samting! Taem iu kam bak, iu savve sei: “Taem mifala kam last taem, iu no stap, so mifala leavim nao disfala tract. Which wan long olketa kwestin hia nao iu laek savve long ansa bilong hem?”
6. Why nao disfala tract Savve Long Tru Samting hem gudfala tul for iusim long preaching waka?
6 Disfala tract Savve Long Tru Samting storyim truth long isi, and kliafala wei. Hem helpem pipol long evri religion and kastom. Hem isi for story insaed, nomata olketa young or niufala pablisa savve offerim tu. Waswe, iu iusim evritaem long olketa taem wea fitim?