“Samfala Idea for Offerim Olketa Magasin”

Evri month iumi garem wanfala part long Service Meeting abaotem hao for offerim olketa magasin. Brata wea duim datfala part storyim olketa idea wea iumi savve iusim for offerim olketa magasin, bat hem no explainim olketa article insaed magasin. So brata savve followim instruction wea stap, and talem barava short introduction for encouragem audience for interest for iusim olketa magasin. Then hem savve askem olketa pablisa for talem samfala idea wea olketa laek iusim for storyim main article long Wastaoa, mekem evriwan savve raetem idea wea olketa laek iusim. Brata savve duim sem samting for Awake! magasin. Hem askem audience for talem samfala kwestin wea pipol long territory interest long hem, and scripture wea olketa bae iusim. Long end bilong tok, showim demonstration long hao for offerim olketa magasin hia. Hem gud for iumi readim olketa magasin and redyim kam long haos firstaem bifor iumi kam long meeting mekem iumi savve talem idea bilong iumi. Sapos iumi redi gud firstaem, disfala part bae helpem iumi for sharpenem feis bilong narawan.—Prov. 27:17.