Wastaoa ONLINE LIBRARY
Wastaoa
ONLINE LIBRARY
Solomon Islands Pidgin
  • BIBLE
  • OLKETA PABLIKESON
  • OLKETA MEETING
  • km 12/13 p. 1
  • Redyim Introduction wea Bae Mekem Man Interest

Disfala sekson no garem eni video.

Sorre, disfala video no savve plei distaem.

  • Redyim Introduction wea Bae Mekem Man Interest
  • Kingdom Ministry Bilong Iumi—2013
  • Olketa Nara Article
  • Kamap Gud Long Ministry​—Redyim Introduction
    Kingdom Ministry Bilong Iumi—2014
Kingdom Ministry Bilong Iumi—2013
km 12/13 p. 1

Redyim Introduction wea Bae Mekem Man Interest

1. Why nao hem important for redyim gudfala introduction?

1 Gudfala introduction savve mekem man interest long Bible message wea iumi bae storyim. Hem olsem man wea teistim wanfala naes kaikai and hem laek for gohed kaikaim datfala kaikai. Nomata wanem introduction nao iumi iusim, iumi mas ting raonem and redyim gud firstaem wanem for talem, olsem iumi ting raonem and redyim gud kaikai wea bae hem teist naes. (Prov. 15:28) Hao nao iumi savve redyim introduction wea bae mekem man interest?

2. Wanem nao iumi savve tingim taem iumi redyim introduction?

2 Chusim Subject wea Pipol Bae Interest Long Hem: Introduction bilong iumi mas mekem haosholder interest. Sapos nomoa, maet haosholder bae no laek for gohed story. So taem iumi prepare, iumi mas tingim samting wea pipol long territory bae interest long hem. Maet pipol interest for storyim gavman wea savve helpem iumi, wanem famili savve duim for stap gud, or taem wea war bae finis. From pipol laek for talem tingting bilong olketa, iumi savve redyim kwestin wea bae mekem olketa talem tingting bilong olketa. Iu savve iusim samfala idea long Kingdom Ministry Bilong Iumi wea bae fitim territory. Hem bae gud for practicem samfala introduction long taem bilong Famili Worship.

3. Hao nao iumi savve redyim introduction wea bae fitim culture and religion bilong pipol?

3 Tingim Culture and Religion Bilong Pipol: Long samfala ples, hem wei bilong pipol for stretawe laek savve why samwan kam long haos bilong olketa. Long olketa nara ples, hem wei bilong pipol for storyim firstaem hao nao olketa and for storyim samfala samting abaotem famili bilong olketa. Long samfala ples hem olraet for storyim Bible bikos evriwan bilivim Bible. (Acts 2:14-17) Bat long olketa nara ples wea pipol no Christian or no garem religion, maet hem gud for no storyim Bible long firstaem, bat iusim Bible taem iumi duim return visit.—Acts 17:22-31.

4. Taem iumi startim story, wanem nao iumi savve tingim?

4 Firstfala Toktok: Redyim gud toktok wea iu bae talem for startim story. Hem gud for no storyim staka samting and for showimaot iumi laekem tumas for story witim haosholder. Iumi savve smile and kaen long hem. Taem iumi followim olketa idea hia diswan bae helpem iumi for redyim gudfala introduction wea bae encouragem pipol long territory for laek “kaikai long tebol bilong Jehovah.”—1 Cor. 10:21.

    Solomon Islands Pidgin Pablikeson (1988-2024)
    Log Aot
    Log In
    • Solomon Islands Pidgin
    • Sharem
    • Settings
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Setting
    • JW.ORG
    • Log In
    Sharem