Wanfala Niu Research Tul

Plande million pablisa evriwea long world iusim datfala Watch Tower Publications Index for duim research. From diswan garem staka information insaed, olketa transleitim nomoa long tu-thri languis. Bat distaem iumi garem Research Index for Olketa Jehovah’s Witness wea stap long samting olsem 170 languis. Staka reference long datfala buk hem from olketa pablikeson start kam long year 2000. Olketa no printim datfala Research Index long olketa languis wea garem finis Watch Tower Publications Index, bat olketa savve lukluk long Research Index bilong olketa long computer long Watchtower Library and Watchtower—ONLINE LIBRARY. Datfala Research Index savve helpem iumi for faendem ansa for olketa Bible kwestin, faendem information long olketa samting wea iumi wari abaotem, and iumi savve iusim taem iumi prepare for olketa meeting and famili worship.