Bible Garem Paoa for Helpem Pipol Long Ministry

Taem wanfala man laekem iumi for storyim gud nius long hem, iumi iusim datfala chance for readim olketa scripture long Bible bikos Bible hem garem paoa for helpem datfala man. Spesol assembly day long last year hem mekhae long diswan. Long datfala assembly, circuit overseer givim wanfala tok wea garem title, “Bible Garem Paoa for Helpem Pipol Long Ministry.” Waswe, iu tingim yet olketa main point long datfala tok?

• Why nao toktok bilong Jehovah garem paoa winim toktok bilong iumi?—2 Tim. 3:16, 17.

• Long wanem wei nao toktok bilong God savve kasem heart bilong man, stretem tingting bilong hem, and mekem hem for duim stret samting?—Lukim Wastaoa, June 15, 2012, p. 27, par. 7.

• Taem iumi readim scripture long man long ministry, wanem nao iumi savve duim for helpem hem for luksavve Bible hem toktok bilong God?—Lukim Ministry Skul buk, p. 148, par. 3-4 and March 2013 Kingdom Ministry Bilong Iumi, p. 8, par. 8.

• Taem iumi readim scripture, why nao hem important for explainim and story raonem datfala scripture, and hao nao iumi savve duim datwan?—Acts 17:2, 3; lukim Ministry Skul buk, p. 154, par. 4 go kasem p. 156, par. 4.