Olketa long kongregeson welkamim wanfala sista long Kingdom Hall
Hao for Offerim Pablikeson
AWAKE!
Kwestin: Distaem olketa TV program and movie showim story abaotem olketa magic man or woman, and olketa vampire. Waswe, iu tingse hem olraet nomoa for lukluk long olketa program and movie olsem, or datwan hem danger samting for iumi?
Offerim magasin: Disfala Awake! magasin hem storyim why pipol barava interest long olketa kaen samting olsem, and hu nao bihaenem datwan.
TEACHIM TRUTH LONG PIPOL
Kwestin: Wanem nao bae Kingdom bilong God duim for stretem olketa problem long world?
Scripture: Mt 6:10
Truth: Kingdom bilong God bae mekem pipol long earth for garem peace, stap gud tugeta, and stap sef, olsem hem duim finis long heven.
WANEM NAO KINGDOM BILONG GOD? (Return visit)
Kwestin: [Story raonem kwestin wea stap bihaen long disfala tract.] Taem Kingdom bilong God hem rul, hao nao bae laef bilong pipol long datfala taem?
Scripture: Ps 37:29; Isa 65:21-23
Offerim brochure: [Showim Gud Nius brochure.] Long leson 7 bilong disfala brochure hem storyim olketa gud samting wea man savve kasem anda long datfala Kingdom. [Iusim disfala brochure for startim Bible study.]
RAETEM IDEA BILONG IUSELEVA
Followim olketa example hia and raetem idea bilong iuseleva for offerim olketa pablikeson.