GUD SAMTING FROM BIBLE | MARK 3-4
Healim Man Long Sabbath
Why nao Jesus hem feel nogud long olketa bigman bilong olketa Jew? Bikos olketa mekem staka extra law for Sabbath wea hard tumas for pipol followim. Olsem example, hem tambu for killim dae louse. Hem tambu tu for helpem sikman sapos laef bilong hem no stap long danger. Diswan minim man no savve stretem bon bilong narawan wea brek, or bandagem joint wea miss long Sabbath. So Jesus luksavve olketa bigman bilong olketa Jew nating tingim datfala man wea hand bilong hem dae.