No Forgetim Waef Bilong Lot

Why nao waef bilong Lot luk bak taem hem ranawe from Sodom? Bible no storyim diswan. (Jenesis 19:17, 26) Samting wea Jesus storyim showimaot waef bilong Lot tingim olketa material samting wea hem lusim finis. (Lu 17:31, 32) Wanem nao iumi savve duim mekem iumi no olsem waef bilong Lot wea God no hapi long hem? Iumi mas no letem wei for aftarem olketa material samting for kamap main samting long laef bilong iumi. (Mt 6:33) Jesus sei iumi “no savve worshipim God and long semtaem busy for kasem staka selen.” (Mt 6:24) Bat waswe sapos iumi luksavve olketa material samting start for kamap important winim olketa spiritual samting? Iumi savve prea long Jehovah for helpem iumi for mekem olketa change and for strongim iumi for duim datwan.

TINGIM VIDEO WEA GAREM THRIFALA PART NO FORGETIM WAEF BILONG LOT, AND ANSAREM OLKETA KWESTIN HIA:

• 

  Taem olketa narawan evritaem talem Gloria for kasem staka selen, hao nao datwan affectim tingting, toktok, and wanem hem duim?

• Hao nao samting wea happen long waef bilong Lot hem wanfala warning for iumi?

• Hao nao wei for followim olketa Bible principle helpem Joe and famili bilong hem?

• Hao nao wei wea Anna associate witim olketa wea hem waka witim affectim spiritual saed bilong hem?

• Sapos olketa narawan gohed talem iumi for aftarem selen, why nao iumi mas no fraet for duim wanem Jehovah laekem?

• Hao nao gogo Brian and Gloria mekem moa olketa spiritual samting kamap first samting long laef bilong tufala?

• Olketa wanem Bible principle nao disfala video mekhae long hem?