Lusim Old Wei blo Iufala, and Garem Niufala Wei

3:5-14

Waswe, iu changem staka samting lo laef blo iu taem iu lanem truth? Masbi Jehovah barava hapi from iu duim datwan. (Esikiel 33:11) Iumi mas waka hard for no garem moa olketa old wei blo iumi bat for gohed duim olketa gud samting. Ansarem olketa kwestin lo daon for luksavve lo eni samting wea iu need for kamap gud lo hem:

• Waswe, mi gohed kros lo samwan wea mekem mi feel nogud?

• Waswe, mi patient witim narawan nomata mi busy or taed?

• Sapos seknomoa mi tingim dirty samting, waswe, mi kwiktaem aotem datwan?

• Waswe, mi ting daonem pipol from difren ples or olketa wea garem difren kala skin?

• Waswe, mi savve tok kros or no tok kaen lo narawan?