Gohed for Tingim Olketa Gud Samting

Wanem nao olketa gud samting hia? Philippi 4:8 sei for tingim evri samting wea tru, important, raeteous, gud, klin, wea mekem man garem love, and wea fit for kasem praise. Diswan no minim iumi mas tingim nomoa olketa spiritual samting. Bat wanem iumi ting abaotem shud mekem Jehovah hapi and no spoelem wei wea iumi faithful lo hem.—Sams 19:14.

Samfala taem maet iumi tingim olketa samting wea no stret. Diswan hem bikos iumi no perfect, and tu, bikos Satan hem “god bilong disfala world.” (2Co 4:4) Hem bihaenem olketa nogud samting lo television, radio, Internet, niuspepa, and olketa buk. Iumi mas careful lo wanem iumi lukim and readim bikos diswan savve affectim tingting blo iumi, and gogo, datwan savve affectim wanem iumi duim.—Jas 1:14, 15.

LUKIM VIDEO STAP KLIA LONG OLKETA SAMTING WEA BAE MEKEM IU NO FAITHFUL—HAPITAEM WEA NO FITIM, THEN ANSAREM OLKETA KWESTIN HIA:

• 

  Wanem nao brata lukluk lo hem lo mobile, and hao nao datwan affectim hem?

• 

  Hao nao scripture lo Galatia 6:7, 8 and Psalm 119:37 helpem hem?