GUD SAMTING FROM BIBLE | JENESIS 32-33
Waswe, Iu Waka Hard for Kasem Blessing?
Iumi bae kasem blessing from Jehovah taem iumi waka hard for mekem Kingdom hem first samting lo laef blo iumi. (1Co 9:26, 27) Taem iumi worshipim Jehovah, iumi shud waka hard olsem Jacob taem hem faet for kasem blessing from datfala angel. Iumi showimaot iumi laekem Jehovah for blessing iumi taem iumi . . .
Prepare gud for olketa meeting
Evritaem duim preaching
Traem best for helpem olketa narawan lo kongregeson
Nomata maet laef blo iu no isi, prea evritaem lo Jehovah for helpem iu and waka hard for kasem blessing taem iu gohed for worshipim hem.
TINGIM, ‘Olketa wanem samting nao mi shud waka hard lo hem mekem mi kasem blessing from Jehovah?’