Treatim Olketa Woman Olsem Mami, Olketa Gele Olsem Sista blo Iu

Bible sei for iumi treatim olketa mature brata and sista olsem mami and dadi blo iumi, and olketa wea young olsem brata and sista blo iumi. (Readim 1 Timothy 5:1, 2.) Olketa brata need for treatim olketa sista witim bigfala respect.

Wanfala brata mas no plei witim feeling or duim eni samting wea bae mekem olketa sista no feel sef. (Job 31:1) Wanfala singol brata mas no plei witim feeling blo wanfala singol sista lo wei for mekem sista hae hope dat tufala bae fren bat nating nomoa.

Taem wanfala sista askem wanfala kwestin or hem talem wanfala samting witim respect, olketa elder shud kaen and ting raonem datwan. Olketa elder mas tingim olketa sista especially olketa wea no garem wanfala hasband for protectim olketa.—Rut 2:8, 9.

WATCHIM VIDEO GOHED SHOWIMAOT LOVE INSAED KONGREGESON​—LO OLKETA WIDOW AND PIKININI WEA NO GAREM DADI, AND THEN ANSAREM OLKETA KWESTIN HIA:

• 

  Hao nao kongregeson showimaot olketa barava lovem Sista Myint?

• 

  Hao nao love wea kongregeson showimaot hem givim bigfala witness lo datfala vilij?

• 

  Hao nao love wea kongregeson showimaot hem affectim olketa dota blo Sista Myint?

Wanem nao samfala samting wea iu savve duim for showimaot iu tingim olketa sista lo kongregeson blo iu?