Hao Nao Olketa Sista Savve Reach Aot?

Olketa sista duim staka nambawan waka for sapotim Kingdom. (Sams 68:11) Olketa conductim staka Bible study, and big haf lo olketa regular pioneer hem olketa sista. Staka thousand sista waka hard, olketa serve olsem olketa Bethelite, missionary, construction volunteer or servant, and waka olsem olketa transleita. Olketa mature sista savve strongim famili blo olketa and kongregeson. (Provebs 14:1) Nomata olketa sista no savve kamap olketa elder or ministerial servant, bat olketa savve markem tu samfala goal for helpem kongregeson. Sapos iu wanfala sista, wanem nao samfala wei wea iu savve reach aot?

• Mekem grow olketa spiritual wei.​—1Ti 3:11; 1Pe 3:3-6

• Helpem olketa sista lo kongregeson wea no garem staka experience.​—Tit 2:3-5

• Trae for spendem moa taem lo ministry and barava duim gud

• Lanem nara languis

• Muv lo ples wea needim staka pablisa

• Apply for waka lo Bethel or for help lo olketa theocratic construction project

• Apply for Skul for Olketa Kingdom Evangelizer

WATCHIM VIDEO “OLKETA WOMAN WEA WAKA HARD LO WAKA BLO LORD,” AND THEN ANSAREM DISFALA KWESTIN:

• Hao nao koment blo each sista hem encouragem iu?