Wanfala Hard Assignment wea Holy Spirit Helpem Mifala for Duim

Start from bifor kam yet, olketa servant blo God duim staka spesol samting, no from savve blo olketa seleva, bat bikos Jehovah nao helpem olketa. Lo 1954, organization blo Jehovah releasem wanfala movie wea garem title; The New World Society in Action. Staka Bethelite wea no garem experience nao help for wakem datfala movie. Holy spirit blo Jehovah nomoa helpem olketa, dastawe olketa fit for duim disfala project wea no isi. Datwan mekem iumi sure dat iumi savve win for duim eni assignment wea iumi kasem from Jehovah sapos iumi depend lo hem.​—Sekaraea 4:6.

WATCHIM VIDEO HAO OLKETA WAKEM “THE NEW WORLD SOCIETY IN ACTION,” AND THEN ANSAREM OLKETA KWESTIN HIA:

• Why nao olketa disaed for wakem wanfala movie abaotem world hedquarter?

• Hao nao disfala movie showim hao olketa wea waka lo Bethel hem olsem hao body waka?​—1Co 12:14-20

• Olketa wanem challenge nao olketa brata hia feisim taem olketa wakem datfala movie, and hao nao olketa winim olketa challenge hia?

• Wat nao disfala experience teachim iu abaotem holy spirit blo Jehovah?