Helpem Bible Study for Lusim Olketa Nogud Wei

Only olketa wea garem klin fasin savve fren gud witim Jehovah. (1Pe 1:14-16) Taem olketa Bible student lusim olketa nogud wei, datwan savve helpem olketa saed lo health, selen, and famili.

Explainim klia olketa standard blo Jehovah saed lo fasin, why olketa need for followim, and gud samting wea olketa bae kasem. Trae for helpem olketa student blo iu for changem hao olketa ting lo samting, and then bae olketa savve followim. (Eph 4:22-24) Helpem olketa for luksavve dat witim help blo Jehovah, olketa savve winim eni nogud wei wea olketa faendem hem hard for lusim. (Php 4:13) Teachim olketa for prea lo Jehovah taem eni samting testim olketa for duim sin. Helpem olketa for luksavve lo eni situation wea savve testim olketa and wea olketa need for stap klia lo hem. Encouragem olketa for changem olketa nogud wei blo olketa thru lo wei for busy lo olketa gud samting. Iu bae hapi taem iu lukim Jehovah helpem olketa Bible student blo iu for change.

WATCHIM VIDEO HELPEM BIBLE STUDY FOR LUSIM OLKETA NOGUD WEI, AND THEN ANSAREM OLKETA KWESTIN HIA:

• 

  Hao nao olketa elder and Neeta showimaot olketa trustim dat Jade bae change?

• 

  Wat moa Neeta duim for helpem Jade?

• 

  Wat nao Jade duim for kasem help from Jehovah?