LAEF BLO CHRISTIAN
Hu Nao Olketa Online Frens blo Iu?
Lo wanfala dictionary hem sei: “Wanfala fren hem minim samwan wea olketa barava klos lo each other bikos olketa lovem and tinghae lo each other.” For example, Jonathan and David start for kamap best fren bihaen David killim dae Goliath. (Fas Samuel 18:1, 2) Each wan lo tufala garem olketa wei wea narawan laekem. So, for garem olketa best fren hem depend lo wei for savve gud lo narawan. Wei for savve gud lo narawan hem needim taem and iu mas waka hard. Bat lo olketa social network, pipol just wan click nomoa and garem olketa “frens” nao. Olketa pipol online savve garem taem for tingim wat olketa bae talem, datwan mekem olketa raetem wanem olketa narawan laek herem nomoa bat olketa really haedem hu nao olketa. Dastawe, hem gud for markem nomoa hu nao olketa online fren blo iu. No fraet for tingse bae iu mekem pipol wea iu no savve gud lo olketa for feel nogud sapos iu ignorem or rejectim olketa fren request blo olketa. From social network garem staka danger, samfala disaed for no iusim. Bat sapos iu disaed for iusim social network, wat nao iu shud tingim?
WATCHIM VIDEO MAS WISE TAEM IU IUSIM SOCIAL NETWORK, AND THEN ANSAREM OLKETA KWESTIN HIA:
Wat nao iu shud tingim bifor iu postim wanfala koment and piksa?
Why nao iu shud careful taem iu chusim olketa frens blo iu?
Why nao iu shud markem nomoa taem wea iu spendem lo social network?—Eph 5:15, 16